ශ්‍රී ලාංකේය දේශපාලන පක්ෂ තුළ ඒකාධිපතිත්වය, අභ්‍යන්තර ප්‍රජාතන්ත්‍රවාදය නොමැතිවීම, ජනතාවාදී නොවීම, වැනි ප්‍රජාතන්ත්‍රවාදයට එරෙහි බලවේගයන් ශක්තිමත් කරන්නට උත්සහ දරමින්, රට තුළ වැඩවසම් දේශපාලන ක්‍රමයක් ස්ථාපිත වීමේ තර්ජන එල්ල වූ මොහොතේ සමගි ජන බලවේගය ආරම්භ කළේ ප්‍රජාතන්ත්‍රවාදී පැවැත්ම ආරක්ෂා කිරීමට සහ ප්‍රජාතන්ත්‍රවාදී දේශපාලනය තහවුරු කිරීමේ අභියෝගය ජයග්‍රහණය කිරීමට ය. බහු භාෂා, බහු ආගමික, බහු වාර්ගික ජන සමාජයක, සියලු ජන කොටස් වලට එක්විය හැකි දැක්මක්, ක්‍රියාපිළිවෙතක් සහ අරමුණු සහිත දේශපාලන පක්ෂයක අවශ්‍යතාවය අපගේ මාතෘභූමිය තුළ  ප්‍රබලව ඉල්ලා සිටි අවස්ථාවක එකී රික්තය පුරවාලමින් සමගි ජන බලවේගය නිර්මාණය විය.